Malas noticias dende Túnez. Hoxe disputábase o clasificatorio para os Xogos Mundiais da Xuventude de Bos Aires 2018 e Arlet Ortiz e Pablo Patiño non puideron lograr a súa clasificación.
Pablo Patiño (-63, Patiño) venceu con moita facilidade no primeiro combate a Abdullah Fuad (Bahrain) por un rotundo 26-5, e no segundo tiña como rival ao representante de Marrocos, Youssef Boatris. Pablo comezou mandando no marcador, pero Boatris logrou sorprendelo cunha acción arriba e non quedaba outra que remontar. E Pablo estivo a punto de facelo, pero quedou ás beiras cun 12-11.
Pola súa banda, Arlet Ortiz (-55, Mat's) caeu no primeiro combate ante a polaca Ewa Jamiolkowska. Arlet saiu mal e no primeiro asalto encaixou un 4-0. No segundo reaccionou e logrou poñerse a só un tanto (4-3) e no terceiro, ao intentar remontar,a polaca logrou aumentar as distancias (10-6).
Pero hai que levantar a cabeza e pensar xa na próxima "batalla", que ademais está moi preto e é moi importante: O Mundial Júnior!
Moito ánimo e adiante!!!!
