Print this page
Domingo, 11 Noviembre 2018 00:00

Tania Castiñeira, subcampioa de Europa sub 21 en Polonia

Written by
Rate this item
(0 votes)

Tania Castiñeira (Hebe, +73 quilogramos) proclamouse hoxe subcampioa de Europa sub 21 en Varsovia (Polonia), sumando así a segunda medalla (ambas femininas) para Galicia neste campionato. A galega fixo unha competición espectacular, dominando e controlando todos os combates menos na final, onde non estivo cómoda.

 Tania, a pesar da súa idade, xa chegaba con bastante experiencia internacional ás súas costas (foi 5ª no Europeo júnior 2017 e ouro, na Copa Presidente de Atenas 2018, por exemplo) e con gañas de acadar unha medalla. A nosa deportista comezaba o Europeo fronte á rusa Ella Borisova, que era unha das favoritas para facerse co título. Pero enfronte estaba Tania que non lle deu opción algunha. Dominou o combate dende o inicio e  gañou por 3-5.

 En cuartos de final esperaba a alemá Sara Di Sinno, e novamente Castiñeira estivo imparable. Foi tremendamente superior e venceu 20-10. A medalla xa estaba asegurada, pero a deportista do Hebe ía paso a paso. E agora tocaba a semifinal contra Natalie Lauridsen (Dinamarca). Novamente Tania levou todo o peso do combate e sempre foi por diante no marcador, para rematar cun 6-4, que a mete na gran final contra a francesa Solène Avoulette.

 Neste último combate, Castiñeira non estivo cómoda, tal e como explicou, xa que era unha rival moi alta e non atopaba a forma de entrar: “Custábame moito achegarme para puntuar e tíñame moi ben pillada a garda”. Pese a todo estivo metida na final ata o último asalto: “Fumos 1-0 ata o último asalto, que me meteu un bandal. E nos últimos segundos, ao tentar facer eu unha acción con xiro ao casco para remontar, logrou impactar arriba”. Ao final, 6-0, e magnífica medalla de prata para Tania Castiñeira.

 O venres foi Sara Cortegoso (Mace Sport) quen nos deu a primeira alegría para o taekwondo galego no Europeo sub 21. A pontevedresa, que fixo un torneo excepcional, acadou a medalla de bronce en -49 quilogramos e estivo moi preto de meterse na gran final.

 

 

Read 397 times
Comunicación Fegatae

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Latest from Comunicación Fegatae