Unha selección mexicana júnior desprazouse a Galicia esta semana para adestrar cos rapaces e rapazas do Centro Galego de Tecnificación Deportiva, e mellorar así xuntos o nivel de competitividade.

 Esta selección, que procede de Nuevo León (México), chegou a Pontevedra o luns 14 e marchará o domingo 20, despois de seis días de traballo e convivencia cos deportistas e técnicos galegos do CGTD. Tanto o adestrador do CGTD, Jesús Benito, coma o técnico mexicano, Ismael Gómez, consideran que “este campamento permitirá a ambos grupos ter unha óptima preparación con miras aos próximos compromisos competitivos”.

 A continuación tedes o listado dos deportistas mexicanos que están a adestrar estes días en Pontevedra.

Pablo Fernández Eiras (+87 quilogramos, Mat's) non tivo moita sorte no sorteo do Campionato de Europa Sénior de Kazán. Ao galego tocoulle en "sorte" no primeiro cruce do seu peso un dos favoritos para as medallas, o ruso Oleg Kuznetcov, e ao que se enfrontara hai un par de semanas na Copa Presidente de Grecia.

Hoxe Pablo deu a cara dende o inicio. O combate estivo moi axustado nos dous primeiros asaltos e no terceiro, Kuznetcov logrou poñerse por diante no marcador. Isto obrigou a Eiras a atacar e deixar aberta a posibilidade de contras para o ruso, de enorme envergadura, que non as desaprovechou, para aumentar así as distancias.

Desta forma rematou a aventura de Pablo Fernández Eiras no Europeo Sénior de Kazán. Pola súa banda, Kuznetcov acadou a medalla de bronce.

O sábado celebrouse en Redondela a fase provincial de Pontevedra do Taekwondo Escolar nas modalidades de combate e exhibición, coa participación de case 400 taekwondistas.

No documento adxunto tedes os resultado.

Esta fin de semana (12 e 13 de maio) celebraranse as fases provincias do taekwondo escolar nas modalidades de combate e exhibición, nas que participarán uns 700 deportistas. En xogo está a clasificación para o Galego, que se disputará o día 19 de maio en Outes.

 A fase provincial que reúne a máis deportistas é a de Pontevedra que se celebrará o sábado 12 de maio no Pavillón As Marismas de Redondela e contará con 145 taekwondistas en combate e 27 equipos en exhibición (cada equipo esta formado por nove ou dez deportistas). En total 388 rapaces e rapaces competindo no tapiz. Pola mañá terá lugar a modalidade de exhibición, cun altísimo nivel, xa que os mellores equipos de España están concentrados na provincia de Pontevedra.

 Pola tarde (15:30 horas) terá lugar a competición de combate nas categorías alevín (nados nos anos 2006 e 2007) e infantil (nados nos anos 2004 e 2005). Non poderán participar nesta competición os medallistas ouro e prata nos Campionatos Galegos Cadetes ou membros da selección galega. Esta fase está a ser organizada polo Kiap en colaboración co servizo provincial de Deportes.

O domingo terá lugar a fase provincial de Ourense, que se celebrará no Pavillón dos Remedios de Ourense, organizado polo club Couto. Aquí a participación será moi inferior con 5 deportistas en combate e 6 equipos en exhibición.

O domingo 13 de maio tamén se disputará no Pavillón Municipal de  Arteixo a fase provincial da Coruña, organizada polo Dobok, tamén cunha importante participación (136 deportistas en combate e 12 equipos en exhibición). O club organizador é o Boud Sport. En Lugo todos os inscritos están clasificados para o Autonómico e non se realizará a fase provincial.

 Esta actividade está incluída no programa do Deporte Escolar Xogade, desenvolvido pola Secretaría Xeral para o Deporte en colaboración coa Federación Galega de Taekwondo. Desta forma, a organización é responsabilidade dos diferentes servizos provinciais en colaboración coa Federación e clubs nos que delega. A metade mellor clasificada dos deportistas lograrán a clasificación para a fase final, que terá lugar o día 19 de maio en Outes.

Pablo Fernández Eiras (+87 quilómetros, Mat´s) disputará este domingo 13 de maio o Campionato de Europa, que se está a disputar estes días en Kazán (Rusia). Ademais, tamén contamos coa presenza de María Bautista, que exercerá como xuíza durante todo o torneo.

Pablo non competiu moito esta tempada, pero nestes intres se atopa ben: “Competín na Copa Presidente de Grecia hai unha semanas e a verdade é que tiven boas sensacións. Creo que chego nun nivel de forma bastante bo“, explicou. No Europeo pensa en “ir combate a combate, ir pasando rondas e tratar de chegar a medalla. O obxectivo é estar sempre arriba”.

Este ano Fernández Eiras acadou a medalla de prata no Campionato de España e caeu en segunda rolda da Copa Presidente contra Oleg Kuznetcov (Rusia), quen ao final logrou a vitoria neste peso. No seu peso, formado por 16 deportistas, os principais rivais son os representantes de Rusia (son tres e un deles é Kuznetcov) e Azerbaián, aínda que nun torneo sempre pode saltar unha sorpresa.

Galicia proclamouse vencedora na clasificación xeral por equipos do Open Profesional de Zamora.

A Federación desprazou ata Zamora unha destacada selección, que brillou con luz propia neste torneo, logrando o título por equipos e liderando en case todas as categorías nas que competía.

No documento adxunto tedes as clasificacións individuais.