O sábado 7 de abril (a partir das 09.00 horas) celebraranse en Ordes (pavillón Castelao I) os Campionatos Galegos Sub 21 e Cadete, que reunirán a máis de 250 deportistas de toda Galicia e 34 árbitros.

 O torneo cadete comezará ás 9 da mañá con 95 participantes na categoría masculina e 74 na feminina. Neste torneo terminará de definirse a selección galega que competirá no próximo campionato de España cadete (previsto para o 26 de maio), despois da magnífica actuación que tivo o equipo no Open de España, no que logrou o título a nivel colectivo tanto na categoría masculina coma feminina e na xeral. Entre os participantes no Galego haberá moitos medallistas tanto nacionais coma internacionais, coma Ainhoa García (Couto), Irene Montemuíño (Natural), Cloe Iglesias (Patiño), Silvia Otero (Mat’s), Julián Feijoo (Couto) ou Javier Jiménez (Natural de Sada), todos eles ouros no Open de España, entre outros logros.

 O Galego sub 21 celebrarase pola tarde (a partir das 15:30 horas) cunha inscrición menor: 50 homes e 39 mulleres. Por unha magnífica razón non poderán participar Unai Silva, Arlet Ortiz, Pablo Patiño, Ana Dosil e Alba Vidal, xa que se atopan en Túnez no Mundial júnior. Aínda así, teremos a deportistas coma Tania Castiñeira (Hebe) –ouro no Open de Holanda e no Open de España- ou Brais Iglesias (Natural Sport), Iván Rodríguez (Taekanart), Alejandro Paz (Natural Sport), Javier Torrado (Suh Sport) e Alma Pérez (Suh Sport), todos eles campións do Open de España deste ano na categoría júnior.

Galicia volveu amosar o seu potencial no Open de España das categorías cadete e júnior. As seleccións galegas lograron a primeira posición en ambas categorías (cadete e júnior) e da forma máis rotunda posible (na categoría masculina, feminina e na xeral). Na categoría cadete Galicia acadou un total de 6 ouros, unha prata e e tres bronces, mentres que na júnior houbo 15 medallas (seis ouros, catro pratas e 5 bronces).

Cadete. Grandísimo o papel desenvolvido pola selección cadete. Na categoría feminina as nosas deportistas sumaron un total de catro ouros e un bronce. Silvia Otero (Mat’s) logrou a primeira posición en -29 quilogramos, tras vencer na final a Alba Jia Baz (TKD Molero) por 1-0. En primeira rolda gañou a Helena Gadea (2-4) e posteriormente a Sofía García (1-0).

Irene Montemuíño (Natural Sport, -51) tamén logrou a primeira posición no seu peso. Superou a primeira rolda fronte a Iraya Peque (Asturias) por 6-18 e na seguinte a Angels García (1-17). Na semifinal eliminou á asturiana Varga (8-18) e na final venceu á tinerfeña Vanella Pimienta (9-6).

Ainhoa García (Couto, -55) acadou o terceiro ouro galego feminino en cadete. A deportista do Couto gañou en primeira rolda a María José Pons (Deportivo Olimpo) por 2-12 e posteriormente á madrileña Nerea Fernández (3-18). Na semifinal foi mellor que Thais Martínez (6-0) e na final, moi superior a Ariadna Arrondo (Escuela Taekwondo Castejón), con un contundente 11-1.

O cuarto ouro foi para Cloe Iglesias (Patiño, -59) gañou en primeira rolda a Paula Serrat con enorme rotundidade (10-23); en semifinal a Carlota Delva (3-16) e na final xa sufriu un pouco ante Paula Torregrosa (8-7).

O bronce cadete feminino foi para Lucía Montemuíño (Natural Sport, -41) que gañou no primeiro combate Andrea García por 14-7, despois a Sofia Potapova (Asturias) por 25-6 e en oitavos a Paula López (4-9). Caeu na semifinal contra Ángela Alonso (Federación Riojana) por 8-3.

En cadete masculino, houbo dous ouros, unha prata e dous bronces. Julián Feijóo (Couto, -33 quilogramos) logrou a primeira posición nun competido e numeroso peso. En primeira rolda superou a Martí Navas (6-18); en segunda ao madrileño Fernández (25-13) e en semifinais ao balear Jesús Garrido (4-9). Na final venceu a José Campaña (Andalucía) nun rifado combate que se decidiu no punto de ouro.

En -41 quilogramos tivemos unha final galega, con Javier Jiménez (Natural Sada) e Samuel Meilán (Tao) coma protagonistas.

Javier Jiménez gañou no primeiro combate a Ismael Sambartolomé por un apertado 8-7, e posteriormente superou a Pepe Ortiz por 14-8. Na semifinal gañou ao murciano Pablo Cerón (11-9) e na final gañou ao seu compañeiro de selección, Samuel Meilán, por 18-8.

 Pola súa banda, Samuel comezou o Open eliminando con absoluta superioridade a Ismael Olivares (20-0). En segunda rolda venceu ao balear Aymeric Holvoet (25-5) e en cuartos de final ao alemán Simon Laubhold (10-8). A semifinal foi contra Iván Albert (7-8) e na final non puido con Javier.

Ademais houbo dous bronces en -49 quilogramos, que foron para Martín Conde (Couto) e David M. Barbosa (Budo Castrelos). Martín Conde eliminou o punto de ouro a David García no primeiro combate, e no segundo superou a Víctor Zamora (4-7). Nos cuartos garantizou a súa medalla ao gañar a Loris Ribreau (18-10), pero en semifinais caeu ante o portugués Guillermo Freire.

Barbosa caeu en semifinais contra o representante de Madrid, Jesús Fraile, quen acadou o título. Antes venceu nas dúas roldas anteriores con bastante soltura: A Dani Domínguez por 1-12 e a Guillem García (9-15).

Júnior. Na categoría júnior houbo 15 medallas (seis ouros, catro pratas e 5 bronces) e Galicia logrou a primeira posición por equipos na categoría masculina, feminina e na xeral. E iso a pesar de que non acudiron a esta cita os clasificados para o Mundial júnior, para evitar unha posible lesión a poucos días da cita mundialista.

Brais Iglesias (-78, Natural Sport) acadou a medalla de ouro no seu peso. Venceu en primeira rolda a David García (3-2) e na semifinal a Alexis Fabián Sandu (7-14). A final foi contra o catalá Andreu Pérez e gañou por K.O.

En -73 quilogramos, Iván Rodríguez (Taekanart) logrou a medalla de ouro. En cuartos de final gañou a Alberto Carlos Ailisoaie (13-15), na semifinal a Kyle Clarence Camorongan (5-12) e na final ao andaluz Manuel Aranda (8-11).

Javier Torrado (-59, Suh Sport) logrou a medalla de ouro tras realizar catro intensos combates. En oitavos gañou a Camilo Cardona de Baleares (12-9), en cuartos a Jofre Salanova do TKD Jorsan (12-10) e na semifinal a Rubén López, do Koryo Torre Pachego (13-6). A final foi contra Alberto Toledo de Tkd Alcalá e venceu no punto de ouro despois dun 8-8.

Alejandro Paz (-51, Natural Sport) venceu no Open de España. Gañou en primeira rolda ao brasileiro Víctor Kazuya Ishihara (7-21) e despois a Aday Pérez por 6-0. Na semifinal superou ao madrileño Antonio Cardoncio (29-10) e na final a Cristian Jurado de Baleares (9-4). Ouro para Paz.

Alma Pérez (Suh Sport) logrou o triunfo no Open de España en -52 quilogramos. En primeira rolda gaña a Teodora Andrea (20-11); en oitavos enfróntase a Carmen Lopez onde vence por K.O. de puntos (22-1) e en cuartos supera a Judit Merlo (15-8). Na semifinal ten como rival a Ainoa Escribano e gaña por K.O. de puntos (22-1) e na final volve a ser moi superior contra  Lorena Macía (22-14).

Tania Castiñeira (+68, Hebe) logrou o ouro no Open de España tras vencer en tres combates e de forma moi folgada. No primeiro superou a Judith Ortiz (6-1); posteriormente a Neus Domenech (5-2) e na final a Silvia Boix (Cataluña) por 3-11.

Houbo dúas medallas en -55 masculino. Anxo Díaz (Garrapucho) acadou a prata tras vencer en tres combates con gran seguridade (Daniel Madrid, Andoni Solano e o galego Carlos Medranda). Na final Anxo caeu ante o arxentino Javier Acuña (5-25).

Pola súa banda Carlos Medranda (Mace Sport) tivo que superar tres combates para meterse na semifinal: Venceu ao balear Carlos Aguilera (1-4), Víctor Ramírez de Castela a Mancha (8-13) e a Salvador Rodríguez (7-18).

No peso pesado, Jesús Manuel Veiga (Maniotas) logrou a medalla de prata. Venceu en cuartos a Daniel Murillo (12-7) e na semifinal a Rodrigo Ibáñez (11-2). Na final foi derrotado por Joaquin Francisco Fenollar, , nun axustado combate.

María González (-49, Couto) venceu en primeira rolda a Ana Sáenz (17-8) e a balear Selena Ortega no punto de ouro. Na semifinal superou a Nagore Iglesias (32-10). Na final perdeu pola mínima contra a alemá Asli Coskun.

Izán Prego (-63, Kwon) tivo que vencer en tres combates para garantir a súa medalla de bronce nun peso moi concurrido. Gañou a Rafael Armero (5-23), ao galego Adrián Quintela (20-14) e ao arxentino Lautaro Díaz (6-21). Perdeu ante o catalá Adrián Madrueño (13-2).

Sergio Iglesias (-68, As Sport) logrou a medalla de bronce tras superar a Alejandro Carretero (13-9). Na semifinal caeu ante Jon Fernández (3-6).

Sara Gacio (-55, Boudsport) vence en tres combates e asegurou así a medalla de bronce. Gañou no primeiro combate á navarra Andrea Izurdiaga (6-3); despois á catalá Ester Asensio (2-3) e a Marta Arriagada (6-2). Foi derrotada na semifinal por Paula Temida, no punto de ouro.

Elena Pérez (-46, Natural Sport) logrou a medalla de bronce tras vencer en dous combates: A catalá Judith Iñiguez (3-5) e a Lucía Triano (4-3). Elena Currás (-44, Patiño) logrou a medalla de bronce tras gañar a Abril Villar por 19-9.

Magníficos resultados da selección galega de técnica e de freestyle na primeira xornada do  Open de España, que se está a celebrar esta fin de semana en Alacante.

Técnica

Na categoría cadete, Alejandro Fernández (Escola Lucense) acadou a medalla de ouro, mentres que Tomás Fernández (Kiap) foi prata e houbo tres bronces: Nuria García (Escola Lucense), a parella formada por Samuel Meilán e Laura González (Tao) e para o trío (Aarón Bóveda, Iago Fraga e Samuel Meilán, do Kiap e Tao).

Na categoría júnior, o trío formado por Álvaro Portela, Manuel Paz e Gabriele Santomé (Hebe) logrou o primeiro posto, mentres que Gabriel Tembrás (Moo Duk Kwan) foi prata e a parella formada por Álvaro Portela e Bárbara di Martino (Hebe) e o trío feminino (Raquel Losada, Andrea Moscoso e Fátima Rodríguez, do Tao) lograron sendas medallas de bronce.

En sénior 1, os Alejandros volveron a amosar o seu magnífico nivel. Alejandro Losada Rodríguez  (Neka) logrou a medalla de prata, mentres que Alejandro Losada García (Tao)foi bronce, e Marcos Silva (Mace Sport), tamén ocupou a terceira posición. Ademais, a parella foi Tao formada por Andrea Vilas e Alejandro Losada conseguiu a primeira posición, mentres que a do Neka (Alejandro e Elena Varela) foi prata e o podio completamente galego compretouse con Alicia Pérez e Jorge Posada (Tao) e Eirim Vaamonde e Aitor Priego (Yidam), que lograron as medallas de bronce.

En sénior 2, máis éxitos galegos. Samuel Meilán e Nerea Alamancos (ambos do Tao) sumaron tres medalla de ouros: A nivel  individual (masculino e feminino) e en parella 2. Ademais, o trío 2 feminino formado por Vanesa Ortega, Sonia Pérez e Noelia Pérez logrou subirse ao chanzo máis alto do podio coa medalla de ouro.  Vanesa Ortega (Hebe) foi prata en sénior 2 .

E rematamos a colleita de medallas en poomsae cos máster: Sonia Pérez (Hebe) logrou a prata en máster 1; Esperanza Fernández (Couto) foi bronce en máster 2 e Encarnación Quintela (Hebe) logrou a prata en máster 4.

En freestyle a selección galega volveu dominar no Open. En -17 anos Manuel Paz (Hebe) e Celia García (Tao) lograron a medalla de ouro, mentres que Gabriel Tembrás (Moo Duk Kwan) e Bárbara Di Martino (Hebe) foron prata  e Tomás Fernández (Kiap) e Ángel López (que viaxaba co seu club, Mace Sport) lograron a medalla de bronce.  En parella – 17 anos, Tembrás e e Bea Felpeto (Moo Duk Kwan) lograron a medalla de prata, mentres que Bárbaro Di Martino e Manu Paz (Hebe) lograron a medalla de bronce.

En máis de 18 anos, a nivel individual, Eirim Vaamonde (Yidam) logrou a medalla de ouro, mentres que Elena Varela (Neka) foi prata e Marcos Silva (Mace Sport) sumou a medalla de bronce. A parella de +18 anos formada por Andrea Vilas e Samuel Alves (Tao) lograron a primeira posición, mentres que Aitor Priego e Eirim Vaamonde (Yidam) foron bronce.

Por último, sinalar que o quinteto do Tao (formado por Manuel Rodríguez,  Alicia Pérez, Samuel Alves, Alejandro Losada e Andrea Vilas) acadou a medalla de ouro.

A selección galega participará esta fin de semana (23, 24 e 25 de marzo) no 16º Open de España de combate,  técnica e freestyle, que se celebrará en Alacante (pavillón Pedro Ferrandiz - Centro de Tecnificación). Ademais das e dos deportistas que conforman a selección galega (148 deportistas), os clubs galegos tamén levan a taekwondistas que non puideron entrar na selección, polo que ao final estarán máis de 150 deportistas galegos. Ademais tamén teremos presenza do estamento arbitral galego. Só para técnica estarán Adrián Alonso, Francisco Tilve e Daniel Paredes; mentres que Noelia Gómez, Conchy Martínez, Miguel Aneiros e María Bautista dirixirán en técnica e combate. Este Open está recoñecido pola Federación Mundial como proba da categoría G1, puntuable para a clasificación para os Xogos Olímpicos de Tokio 2020.

Serán tres días moi intensos, con competicións dende primeira hora da mañá. O venres 23 de marzo celebrarase o Open da modalidade de técnica adulto (cadete, júnior, sénior 1 e 2; máster 1, 2, 3 e 4) e freestyle, cun total de 323 inscritos. A Federación Galega de Taekwondo despraza a un equipo formado por 46  deportistas e 4 técnicos coa firme intención de subirse ao podio, tal e como xa sucedeu no Campionato de España. A selección galega está viaxando neste momento.

O sábado 24 será a quenda para a categoría cadete de combate (con 35 galegos na selección) e júnior (40 integrantes na selección galega) cun total de 758 deportistas inscritos. As e os nosos representantes viaxan coa ilusión de loitar polos primeiros postos, tal e como ven facendo habitualmente. O combinado galego sairá esta noite en dirección a Alacante.

O domingo 25, último día do Open, competirán os sénior, nunha proba na que están inscritos máis de 430 taekwondistas de todo o mundo. Galicia presenta unha selección competitiva formada por 22 deportistas da categoría absoluta,  aínda que o nivel que atoparán fará que sexa moi complexo acadar unha medalla. O Open de España é unha proba G-1, polo que outorga puntos para o ranking mundial e haberá deportistas de todo o mundo. Rusia, USA, San Marino, Brasil, Alemaña, Turquía, Hungría, Libia, Panamá, Ucraína, Italia, Irlanda, Lituania, Grecia, Austria, Porto Rico, Canadá, Gran Bretaña, Perú, Marrocos, Chile, Colombia, Serbia, Portugal son algúns dos países inscritos neste prestixioso torneo.

No pasado Open de España sénior Galicia acadou un total de sete medallas (2 pratas e 5 bronces). Iván García e Pablo Fernández lograron as pratas, mentres que os bronces foron para Laura Lorenzo, Katia Calvar, Manuel Parada, José Fernández e Rubén Troitiño.

No seguinte enlace tedes as convocatorias galegas que viaxan a Alacante.

http://www.taekwondogalego.com/fegatae2015/index.php/ximnasios/convocatorias/item/2553-open-de-espana-24-03-18

A selección galega de técnica e freestyle fixo pleno no Open de Andalucía, celebrado hoxe en Málaga. Galicia proclamouse gañadora da clasificación por equipos tanto en técnica, como freestyle e na xeral. Esta proba concede puntos para o ránking español, que decidirá a clasificación para o Mundial 2018.  

En Técnica, Galicia logrou seis ouros, cinco pratas e dez bronces, mentres que en Freestyle conseguiron seis ouros, dúas pratas e dous bronces.

TÉCNICA

Os ouros foron para Alejandro Fernández (Escola Lucense) na categoría cadete; Gabriel Tembrás (Moo Duk Kwan) en júnior; Alejandro Losada Rodríguez (Neka) en sénior 1 masculino; Esperanza Fernández (Couto), en máster 2 feminino.

Ademais, tamén acadaron a primeira posición a parella sénior 1 (Alejandro Losada García e Andrea Vilas, do Tao); o trío júnior masculino de Manuel Paz, Álvaro Portela e Gabrielle Santomé (Hebe).

As pratas foron para o cadete Tomás Fernández Herrerín (Kiap); a parella sénior 1 (Alejandro Losada R. e Elena Varela, do Neka), Alejandro Losada G, do Tao, en sénior 1, a parella júnior (Álvaro Portela e Bárbara Di Martino, do Hebe) e o trío cadete do Tao (Samuel Meilán, Aarón Bóveda e Iago Fraga)

Ademais houbo dez bronces para as e os deportistas galegos. A cadete Nuria García (Escola Lucense) logrou a terceira posición no podio, igual que Bárbara Di Martino (MDK), Raquel Losada (Tao) e Manuel Paz (Hebe) na categoría júnior. En sénior 1 logrou o bronce Marcos Silva (Mace Sport), así como en Máster 1, Sandra Gardini (Yidam); e en máster 2, Óscar Rey (Kiap).

Tamén subiron ao terceiro chanzo do podio, a parella cadete formada por Laura González e Samuel Meilán (Tao), o trío júnior feminino Raquel Losada, Fatima Rodríguez e Andrea Moscoso (Tao) e a parella sénior 1 formada por Aitor Priego e Eirim Vaamonde (Yidam).

FREESTYLE

Na modalidade de freestyle (que combina a técnica, con coreografía e música) houbo seis ouros, dúas pratas e dous bronces.

Os ouros foron para Bárbara Di Martino (Hebe) na categoría feminina -17 anos; Manuel Paz (Hebe) na masculina -17; Eirim Vaamonde (Yidam) en feminina +17 anos, e na masculina +17 para Marcos Silva (Mace Sport). Tamén subiron ao máis alto do podio a parella de -17 anos (formada por Manuel Paz e Bárbara Di Martino, do Hebe) e a parella de +17 anos (formada por Samuel Alves e Andrea Vilas, do Tao).

As pratas foron para Tomás Fernández-Herrerín (Kiap) en masculino -17 anos; e para a parella +17, Aitor Priego e Eirim Vaamonde (Yidam). Ademais, Gabriel Tembrás (MDK) foi bronce en -17 anos masculino, nun podio case totalmente galego e Elena Varela (Neka), logrou subirse ao terceiro chanzo do podio en feminino +17.

Galicia estará moi presente nos Premios Nacionais de Taekwondo, que se entregarán o venres 23 de marzo en Alacante.

Desta forma o Premio Nacional ao deportista de pomsae máis destacado do ano 2017 foi para Samuel Meilán, que o pasado ano gañou todo o posible: Campión de España, campión de Europa e campión do mundo de taekwondo praia.

O Premio Nacional ao deportista de combate en parataekwondo foi para Alejandro Vidal, que segue imparable: Campión do mundo e subcampión de Europa de parataekwondo.

Na categoría de técnicos, hai dous galegos galardonados: Marco Carreira (pola súa traxectoria) e Miguel Meilán (na modalidade de poomsae).

Por último, sinalar que Marco Carreira recibirá a medalla de ouro ao Mérito Deportivo da Real Federación Española de Taekdondo e María Bautista a medalla de prata.

Noraboa a tod@s @s premiad@s!