Comunicación Fegatae
A selección galega de técnica e freestyle disputará o Open de Andalucía
A selección galega de técnica (categorías cadete, júnior e sénior) participará o domingo 18 de marzo no Open de Andalucía de Poomsae e Freestyle, que se celebrará en Málaga. É unha proba moi importante xa que concede puntos para o ránking español, que decidirá a clasificación para o Mundial 2018. Ademais, será a última proba antes do Open de España da próxima fin de semana.
A clasificación para este Mundial sairá da suma dos resultados do circuíto español de ránking (Open de Valencia, Navarra, Madrid e Andalucía) e do Campionato de España e Open de España. Galicia viaxa cun amplo equipo, que tentará subirse ao podio tanto a nivel individual coma de equipos, tal e como xa fixeron no Open de Madrid a finais de xaneiro, onde Galicia proclamouse vencedora na clasificación xeral por equipos do Open de Poomsae e Freestyle. Ademais a comezos de marzo, Galicia logrou por vez primeira na historia proclamarse campioa de España de técnica adultos.
Open de Bélxica. Esta fin de semana, deportistas da Federación Galega de Taekwondo tamén participarán no Open de Bélxica de técnica, de clase A. Neste torneo competirán Samuel Meilán e Nerea Alamancos (ambos do Tao) tanto a nivel individual (sénior 2) como en parellas 2. Ademais, tamén competirá o trío feminino 2, formado por Vanesa Ortega, Sonia Pérez e Noelia Pérez (Hebe). Pola súa banda, Sonia Pérez competirá de forma individual en máster 1.
*Convocatoria da selección galega de técnica e freestyle para o Open de Andalucía.
Open de Andalucía de técnica |
|||
1 |
ALEJANDRO FERNÁNDEZ |
ESCOLA LUCENSE |
CADETE |
2 |
TOM FERNÁNDEZ |
KIAP |
CADETE |
3 |
IAGO FRAGA |
KIAP |
CADETE |
4 |
AARÓN BOVEDA |
KIAP |
CADETE |
5 |
SAMUEL MEILÁN |
TAO |
CADETE |
6 |
LAURA GONZÁLEZ |
TAO |
CADETE |
7 |
NURIA GARCÍA |
ESCOLA LUCENSE |
CADETE |
8 |
GABRIEL TEMBRÁS |
MOO DUK KWAN |
JUNIOR |
9 |
ÁLVARO PORTELA |
HEBE |
JUNIOR |
10 |
BARBARA DI MARTINO |
HEBE |
JUNIOR |
11 |
MANUEL PAZ |
HEBE |
JUNIOR |
12 |
FATIMA RODRÍGUEZ |
TAO |
JUNIOR |
13 |
RAQUEL LOSADA |
TAO |
JUNIOR |
14 |
ANDREA MOSCOSO |
TAO |
JUNIOR |
15 |
SANDRA GARDINI |
YIDAM |
MASTER 1 |
16 |
OSCAR REY |
KIAP |
MASTER 2 |
17 |
ESPERANZA FERNÁNDEZ |
COUTO |
MASTER 2 |
18 |
ALEX LOSADA |
NEKA |
SENIOR 1 |
19 |
ANDREA VILAS |
TAO |
SENIOR 1 |
20 |
ALEJANDRO LOSADA |
TAO |
SENIOR 1 |
21 |
ELENA VARELA |
NEKA |
SENIOR 1 |
22 |
MARCOS SILVA |
MACE SPORT |
SENIOR 1 |
23 |
AITOR PRIEGO |
YIDAM |
SENIOR 1 |
24 |
EIRIM VAAMONDE |
YIDAM |
SENIOR 1 |
25 |
SAMUEL ALVES |
TAO |
SENIOR 1 |
26 |
ÁNGEL LÓPEZ |
MACE SPORT |
|
27 |
ADRIÁN VENTÍN |
MACE SPORT |
|
34 |
José Mª Vega |
COACH |
|
35 |
Francisco Penín |
COACH |
|
36 |
Ingrid Gómez |
COACH |
|
37 |
Miguel Aneiros |
ÁRBITRO |
|
38 |
Concepcion Martínez |
ÁRBITRO |
|
39 |
María Bautista |
ÁRBITRO |
|
40 |
Luis Vilas |
FISIO |
|
Seleccionador responsable da categoría: Jose Mª Vega Sánchez |
Unai Silva, clasificado para o Mundial Júnior
Satisfacción a medias. Unai Silva (Mace Sport) acadou hoxe a clasificación para o Mundial Júnior de Túnez, tras vencer na preselección que se celebrou en Madrid. Pero no camiño quedou a taekwondista do Hebe, Tania Castiñeira, que non puido superar á súa rival, e non poderá acudir á cita mundialista.
En -68 masculino Unai Silva (Mace Sport) enfrontouse ao canario Jesús Moreno na preselección disputada no CAR de Madrid e logrou unha ampla vitoria (29-20). No primeiro asalto, o combate estivo máis nivelado, xa que o canario lograba alcanzalo e sumar. Xa no segundo asalto, Unai comezou a controlar ao rival e logrou escaparse no marcador, de forma que non sufriu para garantir o triunfo e así a clasificación para o que será o seu segundo Mundial.
Pola súa banda, no peso pesado, Tania Castiñeira (Hebe) volvía verse as caras con Ana Martos (Cataluña), que derrotara á galega no Campionato de España nun combate con polémica arbitral. Volveu ser unha loita moi apertada. Despois dos tres primeiros asaltos, o marcador era de empate (1-1) e desta forma foron ao punto de ouro e volveron empatar. Entón os técnicos da Española deciden que se faga un quinto asalto. Tania conseguiu poñerse por diante pero a falta de 15 segundos para o final a competidora catalá logrou alcanzala na cabeza e adiantarse, e a nosa taekwondista xa non tivo opción a remontar (2-4).
Tanto Unai coma Tania foron bronce no Campionato de España, pero lograron un magnífico resultado no Open de Holanda (Tania foi ouro, mentres que Unai prata) a pasada fin de semana, que tamén era clasificatorio para o Mundial júnior, mentres que os seus contrincantes non renderon a un bo nivel. Por este motivo houbo que celebrar esta preselección.
Desta forma, no Mundial Júnior de Túnez (do 9 ao 13 de abril) Galicia contará con cinco representantes: Pablo Patiño (-63, Patiño), Arlet Ortiz (-52, Mat's), Alba Vidal (-55, Jido), Ana Dosil (-63, Natural Sport) e Unai Silva (-68, Mace Sport).
Catro galegos convocados para o Mundial júnior e dous preseleccionados
Galicia poderá estar representada por ata seis deportistas no Campionato do Mundo Júnior, que se celebrará en Túnez do 9 ao 13 de abril. Nestes intres catro galegos (Pablo Patiño, Arlet Ortiz, Alba Vidal e Ana Dosil) xa están clasificados e Unai Silva e Tania Castiñeira terán que facer este xoves unha preselección para conseguir a súa praza.
A preselección realizarase este xoves en Madrid a primeira hora da tarde. En -68 masculino Unai Silva (Mace Sport) enfrontarase ao canario Jesús Moreno nesa loita por unha praza para o Mundial júnior. Pola súa banda, no peso pesado, Tania Castiñeira (Hebe) terá que derrotar a Ana Martos (Cataluña) para poder acudir ao Mundial de Túnez. Tanto Unai coma Tania foron bronce no Campionato de España, pero lograron un magnífico resultado no Open de Holanda (Tania foi ouro, mentres que Unai prata) esta fin de semana, que tamén era clasificatorio para o Mundial júnior, mentres que os seus contrincantes non renderon a un bo nivel.
Os que xa están confirmados son Pablo Patiño (-63, Patiño), Arlet Ortiz (-52, Mat's), Alba Vidal (-55, Jido) e Ana Dosil (-63, Natural Sport). Todos eles lograron proclamarse campións de España júnior e están a demostrar que son os mellores no seu peso.
Moita sorte para Tania e Unai este xoves!!
Tres ouros, dúas pratas e un bronce, na segunda xornada do Open de Holanda
Rematou o Open de Holanda e fixoo con seis medallas galegas (tres ouros, dúas pratas e un bronce). E son medallas no torneo da categoría G-1 máis importante de Europa, con participantes de todo o mundo e medallistas mundiais e europeos. Tania Castiñeira, Irene Monteagudo e Ainhoa García foron os ouros; Cloe Iglesias e María Ferreiro lograron as pratas e Ana Dosil foi bronce.
Tania Castiñeira (+60, Hebe) acadou a medalla de ouro na categoría júnior. A galega logrou a primeira posición cunha gran superioridade sobre as rivais. Venceu en primeira rolda a Leonie Marzoll (Alemaña) por 10-2 e nas semifinais superou a Isabeau Van Droffelaar (Holanda) por 6-10. A final estivo absolutamente controlada dende o inicio. Gañou a Reba Stewart (Australia) por 7-1.
A cadete Irene Monteaguado (-51, Natural Sport) logrou a primeira posición tras vencer en catro combates e de forma clara. Superou en primeira rolda a Anastasia Tsipa (Grecia (22-2) e nos cuartos de final a Jill Marie Beck (Alemaña) por 3-19. Na semifinal deu boa conta de Tindra Andersson (Suecia) por 10-18 e na final gañou a Rachel Kerr (Irlanda) por 4-10.
Tamén na categoría cadete, ouro para Ainhoa García (-55, Couto). A galega venceu en primeira rolda a Leah Kerr (Irlanda) por un contundente 0-13 e posteriormente a Frida Sjoberg (Suecia) por 3-11. En semifinais superou á holandesa Amy Mink (3-5) para rematar a súa perfecta competición coa vitoria na final ante Jesse de Vries (Holanda) por 0-4.
As pratas foron para as cadetes María Ferreiro e Cloe Iglesias. María Ferreiro (-44, Couto) logrou a vitoria en tres combates antes de chegar á final: Superou a Sofia Klein (Alemaña) por 5-8; a Holly Pepper (Gran Bretaña) por 6-2 e a Nilla Brostom (Holanda) por 12-0. Na final caeu ante a francesa Maysane Kamkasoumphou por 15-20, nun fermoso combate.
Pola súa banda, Cloe Iglesias (-59, Patiño) venceu na semifinal a Mia Gouws (Australia) por 2-0, para perder na final contra Emel Karagoz (Alemaña) por 6-14.
Por último, sinalar o bronce da júnior Ana Dosil (-63, Natural Sport). Venceu a Michaela Razimova (R. Checa) por 3-5 e posteriormente a Meike Unrau (Alemaña) por un espectacular 0-8. Na semifinal, a galega foi derrotada por Kristyna Drobna (R. Checa) un axustadísimo combate (2-1).
Resultados Campionato Galego Promesas 2018
O sábado 10 de marzo celebrouse en Cangas o Campionato Galego Promesas das categorías cadete, júnior, absoluta e veteranos de combate, coa participación de 300 deportistas.
No documento adxunto tedes os resultados.
Cinco medallas galegas no primeiro día do Open de Holanda
Magníficos resultados para o taekwondo galego no primeiro día de competición do Open de Holanda, que se está a celebrar en Eindoven esta fin de semana. Arlet Ortiz acadou a medalla de ouro, mentres que Vanesa Roo, Pablo Patiño e Unai Silva foron prata e Alejandro Paz acadou a medalla de bronce.
A júnior Arlet Ortiz (-52, Mat’s) continúa imparable, en tres semanas continuadas de competición e sempre subida ao podio. Onte logrou a medalla de ouro tras gañar cinco combates. En primeira rolda venceu a Ihsane Akchich (Holanda) por un espectacular 22-0, mentres que en segunda superou a Lisa María Sorensen (Dinamarca) por 2-5. Nos cuartos de final tiña como rival a Anahita Akbari (Noruega) e gañou por un apertado 2-3. Na semifinal venceu con rotundidade a Gabriela Briskarov (Eslovaquia) por 0-9 e rematou a súa participación cun 14-6 na final contra Ozoda Sobirjonova (Usbequistán). Ouro para Arlet.
A cadete Vanesa Roo (-37, Natural Sport) logrou a medalla de prata na súa categoría. En primeira rolda superou a Firdaous Bouisengaren (Holanda) por 11-14 e así acadou o pase as semifinais. Na semi esperaba unha rival moi dura, a española Jada Wijngaarden, pero Vanesa estivo moi firme e segura e venceu por 2-4. A final foi espectacular, con cambios continuos no marcador, contra a alemá Nur Arayan. Ao final, vitoria para a alemá por un axustadísimo 13-14.
O júnior Pablo Patiño (-63, Patiño) tamén foi prata nun peso con moitos competidores o que lle obrigou a disputar ata seis combates. En primeira rolda venceu de forma moi clara a un taekwondista portugués (26-5), na segunda ao belga Niel Willems (6-15) e na terceira a Ezequiel Lautaro (Arxentina) por 12-15. Nos cuartos de final, o rival era o ruso Dimitri Vasilev e foi un contrincante moi duro (13-14). En semifinais o rival foi o sueco Joseph Aljaf e Pablo volveu a estar a un nivel espectacular para lograr o pase a final (11-12). Na final esperaba Jasurbek Djaysunov (Usbequistán), que venceu con claridade (21-4).
O júnior Unai Silva (-68, Mace Sport) tamén logrou a medalla de prata despois de unha durísima competición. En primeira rolda gañou a Edwin Van Zon (Holanda) por 15-17, mentres que en segunda venceu a Raphael Jaschin (Alemaña) por 7-15. Nos cuartos de final o rival era o británico Jamie Simpson-Kidd e o combate foi absolutamente espectacular, cun resultado final de 40-44. Na semifinal, Unai gañou a Giovanni Slanec (Eslovaquia) por 23-12 e na final caeu derrotado ante Gabriel Biskar (Eslovaquia) por 13-6.
O bronce foi para Alejandro Paz (-51, Hebe) na categoría júnior. Para chegar as semifinais, primeiro tivo que superar dous combates. No primeiro venceu a Omer Dawoud (Dinamarca) por 14-3 e posteriormente, superou ao español Joaquíon Albadalejo (1-3). Na semifinal caeu contra o uzbeco Ulugbek Rashitov (17-4), que foi o que se proclamou vencedor do Open de Holanda.
Cangas acollerá o 10 de marzo o Campionato Galego Promesas con case trescentos deportistas
A Campionato Galego Promesas das categorías cadete, júnior, absoluta e veteranos de combate reunirá o sábado 10 de marzo no pavillón do Gatañal (Cangas) a case 300 deportistas e 33 árbitros pertencentes a clubs de toda Galicia.
Hoxe xoves, tivo lugar na Casa da Xuventude de Cangas a presentación deste evento. No acto participaron Xoán C. Chillón Iglesias (Concelleiro de Deportes), María Bautista (Vice-presidenta da Federación Galega de Taekwondo) e Pablo Casares (Director Deportivo do Club Sares TKD Cangas).
Poderán participar neste campionato, organizado polo club Sares TKD de Cangas, aqueles deportistas que non sexan medallistas en campionatos galegos e estatais. Tamén quedan excluídos aqueles taekwondistas que foron membros da selección galega nunha competición oficial. O torneo comezará ás 09:00 horas pola mañá coa competición absoluta e cadete e ás 15:30 horas pola tarde para o resto de categorías (júnior e veteranos).
O Gatañal leva nove anos acollendo este torneo que ten como obxectivo prioritario a promoción do deporte base, darlle continuidade a deportistas que aínda non se incorporaron á selección galega e promover o salto de categorías.
Galicia participará esta fin de semana no Open de Holanda
Galicia estará representada na 45 edición do Open de Holanda, que terá lugar os días 10 e 11 de marzo en Eindhoven (G-1), cunha participación de case 1500 taekwondistas. Este torneo ten un importante prestixio e as e os nosos deportistas acoden aí coa intención de sumar puntos no ranking internacional. Ademais, no caso dos júnior, este campionato é puntuable para o Mundial Júnior e a Olimpiada Xuvenil.
Desta forma, en Eindhoven estará unha nutrida representación galega en todas as categorías. A selección galega cadete que viaxa a Holanda está formada por dez deportistas, mentres que no equipo júnior hai trece (caeu no último momento Iván Rodríguez) e no sénior contamos con trece taekwondistas (Alberto Verea é baixa por lesión). Ademais hai que destacar que Arlet Ortiz, Alba Vidal, Ana Dosil e Pablo Patiño van convocados pola Federación Española. Tamén haberá taekwondistas galegos que viaxan cos seus clubs.
No Open de Holanda participarán un total de 1.433 deportistas das categorías cadete, júnior e sénior e con presenza de taekwondistas das maiores potencias.
O pasado ano houbo 12 medallas galegas: 2 ouros, 2 pratas e 8 bronce. Os ouros foron para a cadete Diana Siota (Couto) e a júnior Tania Castiñeira (Hebe), mentres que as pratas foron para o júnior Adrián Pombo e David Rodríguez na categoría cadete. Houbo catro bronces en sénior (Katia Calvar, José Fernández, Sara Cortegoso e Iván García) e outros catro en júnior (Elena Pérez, Brais Iglesias Alba Vidal e Pablo Patiño).
Selección galega absoluta |
|||
Nome e apelidos |
Categoría |
Peso |
|
MIGUEL ÁNGEL CORTEGOSO ESTONLLO |
Técnico |
||
MODESTO GONZÁLEZ ARIAS |
Técnico |
||
ARGIBAY MONTERO, NICOLAS |
Masculina |
MOSCA |
GALLEGA |
POMBO ROMERO, ADRIAN |
Masculina |
SUPERLIXEIRO |
GALLEGA |
JOSE FERNANDEZ REY |
Masculina |
LIXEIRO |
GALLEGA |
LORENZO AMOEDO, LAURA |
Feminina |
MINIMOSCA |
GALLEGA |
CORTEGOSO LIMA, SARA |
Feminina |
MOSCA |
GALLEGA |
OGEA COSTAS, UXIA |
Feminina |
GALO |
GALLEGA |
GARCIA SUAREZ, SARA |
Feminina |
PLUMA |
GALLEGA |
GARCIA VIDAL, MIRYAM |
Feminina |
LIGERO |
GALLEGA |
PEREZ RIESCO, SOFIA |
Feminina |
MEDIO |
GALLEGA |
PARADA MARTINEZ, MANUEL |
Masculina |
PLUMA |
GALLEGA |
PIÑEIRO DEVESA, LUA MARIA |
Feminina |
SUPERLIXEIRO |
GALLEGA |
Selección galega júnior |
|||
Nome e apelidos |
Categoría |
Peso |
Club |
ELENA PÉREZ |
Feminina |
-46 |
Natural Sport |
MARÍA GONZÁLEZ |
Feminina |
-49 |
Couto |
ARLET ORTIZ |
Feminina |
-52 |
Mat’s |
ALMA M. PÉREZ |
Feminina |
-52 |
Suh Sport |
ALBA VIDAL |
Feminina |
-55 |
Kido Sport |
CATIA GARCÍA |
Feminina |
-63 |
Mat’s |
ANA DOSIL |
Feminina |
-63 |
Natural Sport |
TANIA M. CASTIÑEIRA |
Feminina |
68 |
Hebe |
ALEJANDRO PAZ |
Masculina |
-51 |
Natural Sport |
DIEGO MARTÍNEZ |
Masculina |
-59 |
Natural Sport |
JAVIER TORRADO |
Masculina |
-59 |
Suh Sport |
PABLO PATIÑO |
Masculina |
-63 |
Patiño |
UNAI SILVA |
|
-68 |
Mace Sport |
Selección galega cadete |
|||
Nome e apelidos |
Categoría |
Peso |
Club |
AINHONA GARCÍA RODRÍGUEZ |
Feminina |
-55 |
Couto |
IKER GARCÍA DE LA LLERA |
Masculina |
-49 |
Natural Sport |
MARÍA FERREIRO DOMÍNGUEZ |
Feminina |
-44 |
Couto |
IRENE MONTEMUIÑO MARTÍNEZ |
Feminina |
-47 |
Natural Sport |
CLOE IGLESIAS RIAL |
Feminina |
-59 |
Patiño |
JULIÁN FEIJOO GÓMEZ |
Masculina |
-33 |
Couto |
CARLA DIÉGUEZ VEIRA |
Feminina |
-33 |
BoudSport |
LUCIA DE LA IGLESIA DEL PRADO |
Feminina |
-44 |
Maniotas |
MANUEL CASTRO RODRÍGUEZ |
Masculina |
-37 |
BoudSport |
VANESA ROO FERRER |
Feminina |
-37 |
Natural Sport |
O Tao, na final de Got Talent
Sabíamos que podían e fixérono! O Tao de Vigo logrou o pase a gran final de Got Talent. Houbo emoción de máis! Primeiro non se escoitaba a música e houbo que comezar de novo o exercizo. Despois quedaron ás beiras do pase de ouro. Máis tarde quedaron moi preto do pase polo voto do público dende casa e houbo que esperar á decisión do xurado, que recoñeceu o mérito e a espectacularidade do exercizo. Cos votos de Edurne e Risto... O Tao na final de Got Talent!
Aproximadamente en quince días, teremos unha nova cita diante da tele! Noraboa ao Tao e ao taekwondo galego! Grazas a tod@s @s que apoiaron o seu traballo!!!!
O Tao de exhibición participa mañá mércores na semifinal de Got Talent
Mañá mércores 7 de marzo (a partir das 22:00 horas) o Tao de Vigo participará na semifinal do programa Got Talent de Telecinco co obxectivo de lograr o pase do taekwondo galego á final deste espazo televisivo de talentos.
O conxunto galego está formado por Samuel Meilán, Manuel Rodríguez, Samuel Alves, Jorge Posada, Iago Davila, Hugo Davila, Sara Davila, Celia García, Alicia Pérez e Eva Morales. Entre eles hai medallistas europeos ou mundiais coma Samuel Meilán, Manuel Rodríguez ou Samuel Alves. O equipo realizará unha exhibición de dous minutos de duración coa que intentarán sorprender ao xurado e ao público que vexa o espectáculo dende casa.
O programa é en directo e o público terá un papel fundamental. Cando chegue o momento da actuación do Tao, aparecerá en pantalla un teléfono e haberá só dez minutos para votar nese número. E deses votos depende o paso a final, porque o participante máis votado polo público pasa directamente á final. Os que queiran votar mañá terán que desbloquear o teléfono para tarifas especiais (905 e 906), senón non permite votar. O custe da chamada é de 1,50 euros.
Este verán (aínda que o programa emitiuse o día 12 de febreiro) as e os rapaces do Tao acadaron o pase a semifinal e xa sorprenderon ao público e o xurado e agora prometen aínda máis espectáculo.