Eleccións 2018 - Lista provisional candidatos presidencia e C.D.
ELECCIÓNS 2018
RELACIÓN PROVISIONAL CANDIDATOS Á PRESIDENCIA E COMISIÓN DELEGADA DA FGT
CANDIDATURAS Á PRESIDENCIA:
1.- JUAN CARLOS EIRIZ LOPEZ
CANDIDATOS A MEMBROS DA COMISIÓN DELEGADA:
1.- CLUBE PATIÑO – ESTAMENTO DE CLUBES
2.- CLUBE NEKA – ESTAMENTO DE CLUBES
3.- CLUBE TKDENODO – ESTAMENTO DE CLUBES
4.- JOSÉ U. LOREN RODRIGUEZ – ESTAMENTO DE TECNICOS
5.- NOELIA GÓMEZ FABELLO – ESTAMENTO DE ÁRBITROS
6.- OSCAR A. REY VILLAR – ESTAMENTO DE DEPORTISTAS
7.- LAURA LORENZO AMOEDO – ESTAMENTO DE DEPORTISTAS
VER ORIXINAL EN ENLACE ELECCIONS - CONVOCATORIA
A CORUÑA, 24/11/2018.
ASDO. JOSE ANGEL SEGUIN CID
PRESIDENTE XUNTA ELECTORAL
O Torneo Vila de Moaña reunirá a máis de mil taekwondistas esta fin de semana
Esta fin de semana (24 e 25 de novembro) celébrase o Torneo Vila de Moaña (RG3, por vez primeira), no que participarán máis de mil taekwondistas pertencentes a 47 clubs, ademais de 75 árbitros e 145 técnicos. En total, o Open acollerá a 1.309 persoas, sen contar toda a xente de organización.
O evento disputarase os días 24 e 25 de novembro no pavillón de Reibón, onde se instalarán 7 tapices para acoller a competición. A xornada do sábado estará adicada á modalidade de combate con 448 participantes pertencentes a 41 clubs, 39 árbitros e 55 técnicos. De 9 a 13:30 horas competirán os participantes das categorías precadete, infantil, absoluto e máster, mentres que os cadetes e júnior farano a partir das 14:40 horas (ata ás 21:30). O domingo (a partir das 09:00 horas) será a quenda para os participantes de técnica infantil e adulto, freestyle e exhibición. Na modalidade de técnica participan 220 deportistas de 19 clubs, 39 árbitros e 55 adestradores; mentres que en freestyle haberá 61 taekwondistas (7 clubs) e en exhibición, 90 participantes pertencentes a 5 clubs.
Este torneo é organizado polo club Hebe, en colaboración coa Federación Galega de Taekwondo e o Concello de Moaña. O torneo, que estrea a categoría RG3 (a máxima), está incluído no circuíto de torneos ranqueables organizado pola Federación Galega de Taekwondo.
O ranking galego é un sistema de baremación obxectivo baseado na suma de puntos naqueles torneos que forman parte do circuíto. Deste xeito, ao final do cómputo, o deportista que máis puntos obteña no seu peso será o que compita no Campionato de España.
O custe da entrada no Vila de Moaña é de 3 euros por media xornada e de 5 polo día enteiro.
Gala do Deporte da Universidade de Vigo
Árbitro Moaña 24-25/11/18
Un ouro e sete bronces galegos, no Open de París
Esta fin de semana celebrouse o Open de París (categoría G-2) coa participación de numerosos deportistas galegos e a consecución dun ouro (Iván García) e sete bronces (Alma Pérez, Giovanni Imparato, Elena Pérez, Daniel Corrales, Pablo Patiño, Unai Silva e Sara Gacio) para Galicia.
Na categoría sénior hai dúas medallas. Así, hai que destacar o ouro de Iván García (Mat's) en -87 quilogramos. O galego venceu en primeira rolda ao holandés Bryan Zonderop de forma clara (16-7) e na segunda tivo como rival o tunecino Yassine Trabelski (cabeza de serie número 2), ao que superou nun combate duro e espectacular (9-6). Na semifinal gañou a Manuel Villén (deportista do CAR de Murcia) por 3-16 e chegou así a final contra o campión do mundo Alexander Bachmann (Alemaña). A final non se celebrou xa que o alemán non se presentou por un problema físico, o que nos deixou sen poder ver o que se presumía como un gran combate. Ouro para Iván!
Ademais, Alma Pérez (-53, Suh Sport) competiu nesta competición na categoría sénior cos seus 16 anos e colocouse nas semifinais tras vencer en tres combates. En primeira rolda gañou a Uxía Ogea (Mace Sport); en segunda á deportista de Israel, Abishag Semberg (11-1) e nos cuartos de final, á canadiense Ruxandra Rodgers (5-12). En semifinais esperaba a italiana Erika Nicoli (campioa de Europa júnior en 2011) e Alma plantou cara ata o final (18-11), pero non puido meterse na final. Enorme bronce para Alma, que non deixa de sorprendernos!
Categoría júnior. O resto das medallas de bronce pertencen á categoría júnior. Giovanni Imparato (-51, Mace Sport) logrou subir ao podio tras gañar dous combates (India e Francia) e perdeu na semifinal contra Hayate Suzuki (Xapón) nun apertado combate (13-11).
Elena Pérez (-46, Natural Sport) venceu a Jil Grebe (Alemaña) por 15-16 e a Inés Ihamouine (Francia) de forma rotunda (28-0). Na semifinal caeu contra Adriana Cerezo, que logrou o ouro.
Sara Gacio (-55, Boudsport) logrou subirse ao podio tras vencer en tres combates. Primeiro gañou á francesa Alexia Amón nunha axustada loita (4-5); despois superou á alemá Franziska Drucklieb (17-13) e nos cuartos de final eliminou á francesa Aya Gouzmir (13-4). So foi superada pola costarricense Lindo na semifinal.
Pablo Patiño (-63, Patiño Moaña) superou en primeira rolda a Valeri Tavadyan (USA) de forma clara (29-11) e despois ao francés Faïz Boudjemia (3-34). Na semifinal o rival foi o español Héctor Canabal e o galego volveu a ser moi superior (4-20). Ata que no camiño se cruzou o kazajo Bekzhan Nusnalim, que se lle atragantou a Pablo (10-26). Bronce.
En -73 quilogramos, Unai Silva (Mace Sport) logrou o bronce tras superar ao italiano Giuseppe Guarna (26-30), pero na semifinal non puido co marroquí Boatris, quen logrou o título o Open de París.
Dani Corrales (+78, Patiño) foi bronce, tras perder na semifinal contra o español Andreu Pérez Campos (13-30), que logrou proclamarse campión deste peso.
Open de Moaña-Hebe, Inscrición, Sorteo e avisos
OPEN DE MOAÑA HEBE
24-25 / NOVEMBRO / 2018
--
NESTE APARTADO MOSTRARASE INFORMACIÓN RELEVANTE REMITIDA POLA ORGANIZACIÓN (HORARIOS, AVISOS, ...)
--
OS SORTEOS ALOXARANSE NOS ENLACES QUE FIGURAN A CONTINUACIÓN:
VER INSCRICIÓN: https://www.dropbox.com/sh/t7zpir78z5vy7kz/AABttpLVAOge1Gbw3cvNi9Nua?dl=0
ENLACE SORTEO TECNICA: https://www.dropbox.com/sh/yorgwtebefz731v/AABqTljShch5Co-aWFKZd4DMa?dl=0
CALQUERA CONSULTA, PREGAMOS SEXA DIRIXIDA DIRECTAMENTE Á ORGANIZACIÓN.
Samuel Meilán repite podio no Mundial ao lograr o bronce en sénior 2
Samuel Meilán (Tao) converteuse no gran protagonista do taekwondo galego e español no Mundial de Técnica e Freestyle de Taipei. O vigués sae de Taiwán con dúas medallas de bronce no seu poder. Despois do metal acadado en parellas o sábado, hoxe logrou tamén subirse ao terceiro chanzo do podio na proba individual de sénior 2. E iso que a final estivo moi preto, xa que Filipinas venceu a Samuel por só 2 centísimas na semifinal.
Samuel chegaba a esta proba canso, despois das trece horas no pavillón do día anterior (no que acadara a medalla de bronce xunto a Nerea Alamancos en parellas 2), e algunhas molestias musculares, pero buscaba o dobrete e este chegou.
O vigués librou en primeiro rolda e na segunda eliminou a Italia, “costoume un pouco porque tiña o corpo entumecido, pero gañei”, explicou. Nos cuartos de final, o rival era Estados Unidos, e novamente, Meilán foi o vencedor do duelo, xa atopándose mellor. Na semifinal enfrontouse a Ernesto Guzmán (Filipinas), campión do mundo 2016, e todo se decidiu por só dúas centésimas e, desgraciadamente, en contra do noso deportista. Pero o galego, actual campión de Europa en sénior 2, estaba moi satisfeito tanto pola súa actuación coma polos resultados, xa que regresa a casa con dúas medallas.
Resto dos galegos. Ademais, houbo máis participación galega na última xornada do Mundial de Técnica e Freestyle de China-Taipei. O mellor posto foi para Gabriel Tembrás (Moodukwan) en parella júnior; quen logrou a quinta posición, ao caer nos cuartos de final contra Korea.
En freestyle individual -17, Celia García (Tao) logrou clasificarse para a final, onde finalmente rematou na sexta posición. Gran actuación.
O quinteto formado por Samuel Alves, Alejandro Losada, Manuel Rodríguez, Alicia Pérez e Laura Vázquez (Tao) acadou a oitava posición, mentres que a parella do Hebe (con Manu Paz e Bárbara Di-Martino). foi décima. Por último sinalar, que Alejandro Fernández (Escola Lucense) en cadete individual non puido clasificarse para a final, ao caer na eliminatoria clasificatoria.
BRONCE MUNDIAL PARA A PARELLA 2 DE SAMUEL MEILÁN E NEREA ALAMANCOS
Chegou a medalla para o taekwondo galego no Mundial de Técnica e Freestyle de China-Taipei. Os protagonistas foron Samuel Meilán e Nerea Alamancos, que acadaron o bronce en parella 2. O restos dos participantes galegos da xornada de hoxe non acadaron o pase ás súas respectivas finais, a pesar de facer un bo traballo. Quedaron fóra das finais o trío júnior do Hebe (Álvaro Portela, Gabriele Santomé e Manuel Paz), a parella do Yidam-CEIP Balaídos de freestyle (Eirim Vaamonde e Aitor Priego) e Marcos Silva (Mace Sport) en freestyle individual.
Bronce. Hai 11 anos estes mesmos protagonistas acadaron tamén un bronce nun Mundial, entón en parella 1. Agora repiten posición en parella 2 -cousas da idade- e facendo un papel excepcional.
En total era 20 os equipos participantes, polo que a organización dividiunos en dous grupos. A nosa parella estaba na eliminatoria máis complicada, con Korea e China-Taipei entre os integrantes, pero a pesar diso, fixeron unha actuación magnífica e acadaron o pase á final como cuartos clasificados.
Xa na final, en cuartos enfrontáronse a Gran Bretaña e a parella galega foi superior, para desta forma garantir a medalla de bronce. Espectacular actuación, pero os vigueses querían máis e así foron en busca desa ansiada final. O rival na semifinal era Korea e nesta oportunidade, Samu e Nerea non puideron superalos, polo que finalmente acadaron unha máis que merecida medalla de bronce.
Cambio de regulamento. A parella do Yidam formada por Eirim Vaamonde e Aitor Priego sabía que ía ser última antes de saír ao tapiz. Neste Mundial estableceuse unha regra pola que os participantes de quintetos e parellas non poden facer ningún tipo de apoio (penalizaría 0,3 da nota final) e a delegación española non tivo coñecemento desta regra ata hai dous días.
Algúns dos equipos decidiron cambiar as súas composicións de estilo libre pero na coreografía de Aitor e Eirim había moitas interaccións, polo que de suprimilas, non tería sentido o exercizo. Desta forma, a parella do Yidam xunto cos seus adestradores decidiron facer a mesma coreografía para amosar ao público o traballo que estiveron preparando durante meses, a pesar de que sabían que serían penalizados.
O trío júnior -formado por Álvaro Portela, Gabriele Santomé e Manuel Paz (Hebe)- tampouco puideron clasificarse para a final. Tiñan un grupo moi complicado, xa que estaban case todos os asiáticos e grandes potencias. Aínda así foron o segundo país europeo en nota, pero non foi suficiente para pasar rolda.
A participación galega desta xornada completouse con Marcos Silva (Mace Sport) en free individual +18. O pontevedrés fixo unha moi boa serie, pero o nivel era altísimo e non puido clasificarse para a final.
O Mundial rematará mañá coa participación de Samuel Meilán (Tao) en sénior 2; Gabriel Tembrás (Moodukwan) en parella júnior; Alejandro Fernández (Escola Lucense) en cadete individual; Celia García (Tao) en freestyle individual -17; Manu Paz xunto a Bárbara Di-Martino.en parella freestyle -17 e o quinteto formado por Samuel Alves, Alejandro Losada, Manuel Rodríguez, Alicia Pérez e Laura Vázquez (Tao).
Os taekwondistas galegos, ás portas das medallas na segunda xornada do Mundial de Taipei
Segunda xornada do Mundial de Técnica e Freestyle de China-Taipei, e novamente as e os nosos deportistas fixeron un gran papel, aínda que non puideron acceder ás medallas. Manu Paz (Hebe) logrou a sexta posición en freestyle -17, mentres que o trío 2 feminino (Noelia Pérez, Vanesa Ortega e Sonia Pérez (Hebe), caeu nos cuartos de final contra Francia. O trío cadete -cos galegos Alejandro Fernández (Escola Lucense) e Tomás Fernández (Kiap)- entraron na final e perderon contra Tailandia, nos cuartos. Ademais, Nerea Alamancos (Tao) non puido superar a segunda eliminatoria contra Alemaña por unha centésima.
O trío 2 feminino do Hebe (Noelia Pérez, Vanesa Ortega e Sonia Pérez) estivo moi preto da medalla. Na fase previa lograron a clasificación para a final coa sexta mellor puntuación. Na final, por eliminatorias, tocoulles enfrontarse a Francia nos cuartos de final. As galegas fixeron un gran traballo nos seus dous poomsaes, pero finalmente os xuíces decidiron a favor das francesas por unha diferencia de unha décima e media. Foi unha eliminatoria moi dura e axustada e na que o noso equipo brillou.
Pola súa banda Manu Paz (Hebe) fixo un magnífico papel en freestyle -17. O taekwondista galego tivo que acadar a clasificación para a final nun grupo moi duro (cos mellores competidores) e Paz non fallou e logrou unha espectacular puntuación (6.360), que lle permitiu conseguir unha praza na final.
Na gran final, o exercizo non foi tan preciso e os xuíces descontaron algunhas décimas que foron decisivas, para rematar cunha puntuación de 6.180 e unha fantástica sexta posición.
Ademais, hoxe competiu Nerea Alamancos (Tao) en sénior 2 individual feminino. A viguesa superou a primeira ronda contra Francia sen excesivos atrancos e caeu por só unha centésima contra Alemaña. Nerea estaba contenta coa súa actuación e sobre todo polo primeiro poomsae, no que logrou superar a súa rival por unha décima. Ao final, todo se decidiu por un suspiro e así finalizou a súa andadura no Mundial de Taiwán.
E para rematar, os nosos pequenos representantes no Mundial. Os cadetes Alejandro Fernández (Escola Lucense) e Tomás Fernández (Kiap) formaban parte do trío cadete e finalmente caeron en cuartos. O trío logrou o pase para a final e aí disputou o pase ás semifinais contra Tailandia. Non puido ser, pero moi grandes os nosos rapaces, que xa teñen unha experiencia nun Mundial ás súas costas.
Mañá celebrarase a terceira xornada do campionato e será a quenda da parella 2 formada por Samuel Meilán e Nerea Alamancos (Tao); do trío júnior formado por Álvaro Portela, Gabriele Santomé e Manuel Paz (Hebe); de Eirim Vaamonde e Aitor Priego (Yidam-CEIP Balaídos) en parella de freestyle +18 e de Marcos Silva (Mace Sport) en free individual +18.
O Taekwondo en Expourense
More...
Eleccións 2018 - Proclamación definitiva Membros Asamblea
ELECCIÓNS 2018
PROCLAMACIÓN DEFINITIVA DE MEMBROS ELECTOS
DA ASAMBLEA XERAL DA FGT
1 |
BENITO DIAZ, JESUS ELIAS |
PONTEVEDRA |
ADESTRADORES |
2 |
BERNARDEZ CONDE, YAGO |
PONTEVEDRA |
ADESTRADORES |
3 |
EIRIZ LOPEZ, JUAN CARLOS |
OURENSE |
ADESTRADORES |
4 |
LOREN RODRIGUEZ, JOSE U. |
PONTEVEDRA |
ADESTRADORES |
1 |
BARRAL PRIETO, EUGENIO |
PONTEVEDRA |
ARBITROS |
2 |
GOMEZ FABELLO, NOELIA |
PONTEVEDRA |
ARBITROS |
3 |
MEILAN CABALEIRO, ESPERANZA |
PONTEVEDRA |
ARBITROS |
4 |
RODRIGUEZ LONGUEIRA, JORGE |
LUGO |
ARBITROS |
1 |
ARTE E MOVEMENTO |
A CORUÑA |
CLUBES |
2 |
AS SPORT |
PONTEVEDRA |
CLUBES |
3 |
BOUDSPORT |
A CORUÑA |
CLUBES |
4 |
BUDO CASTRELOS |
PONTEVEDRA |
CLUBES |
5 |
COUTO |
OURENSE |
CLUBES |
6 |
DOBOK |
A CORUÑA |
CLUBES |
7 |
E. LUCENSE |
LUGO |
CLUBES |
8 |
GARRAPUCHO |
A CORUÑA |
CLUBES |
9 |
HAN´S HORANG-I |
A CORUÑA |
CLUBES |
10 |
HEBE |
PONTEVEDRA |
CLUBES |
11 |
JANSU |
LUGO |
CLUBES |
12 |
KAE SPORT |
PONTEVEDRA |
CLUBES |
13 |
KIAP |
PONTEVEDRA |
CLUBES |
14 |
KYO HAPKIDO |
OURENSE |
CLUBES |
15 |
MACE SPORT |
PONTEVEDRA |
CLUBES |
16 |
MAT´S |
PONTEVEDRA |
CLUBES |
17 |
NATURAL SPORT RIVEIRA |
A CORUÑA |
CLUBES |
18 |
NATURAL SPORT SADA |
A CORUÑA |
CLUBES |
19 |
NEKA |
LUGO |
CLUBES |
20 |
OLIMPIA |
OURENSE |
CLUBES |
21 |
OLIMPIC |
PONTEVEDRA |
CLUBES |
22 |
OZONO |
A CORUÑA |
CLUBES |
23 |
PATIÑO |
PONTEVEDRA |
CLUBES |
24 |
SARES TKD CANGAS |
PONTEVEDRA |
CLUBES |
25 |
SUH SPORT |
A CORUÑA |
CLUBES |
26 |
TAEKANART |
PONTEVEDRA |
CLUBES |
27 |
TAO |
PONTEVEDRA |
CLUBES |
28 |
TKDENODO |
A CORUÑA |
CLUBES |
1 |
CORTEGOSO LIMA, SARA |
PONTEVEDRA |
DEPORTISTAS |
2 |
FERNANDEZ DE LA IGLESIA, ANXO |
A CORUÑA |
DEPORTISTAS |
3 |
FERNANDEZ IGLESIAS, ESPERANZA |
OURENSE |
DEPORTISTAS |
4 |
GARCIA MARTINEZ, IVAN |
PONTEVEDRA |
DEPORTISTAS |
5 |
LORENZO AMOEDO, LAURA |
PONTEVEDRA |
DEPORTISTAS |
6 |
LOSADA RODRIGUEZ, ALEJANDRO |
LUGO |
DEPORTISTAS |
7 |
PAULOS LODEIRO, AROA |
PONTEVEDRA |
DEPORTISTAS |
8 |
PEREZ ESTEVEZ, NOELIA |
PONTEVEDRA |
DEPORTISTAS |
9 |
PIÑEIRO DEVESA, LUA MARIA |
A CORUÑA |
DEPORTISTAS |
10 |
REY VILLAR, OSCAR AVELINO |
PONTEVEDRA |
DEPORTISTAS |
VER DOCUMENTO: https://www.dropbox.com/s/8e58dwylwco5tz6/2018_ELECCIONS_PROCLAM.%20DEFINIT.%20ASAMBLEA.pdf?dl=0
A CORUÑA, 16/11/2018.
ASDO. JOSE ANGEL SEGUIN CID
PRESIDENTE XUNTA ELECTORAL
Eirim Vaamonde, sétima no Mundial de Freestyle de China-Taipei
Eirim Vaamonde (Yidam CEIP Balaídos) rematou na sétima posición na proba de freestyle individual feminina + 18 do Mundial de Técnica e Freestyle, que se está a disputar en China-Taipei (15 ao 18 de novembro). Nesta primeira xornada de competición este foi o mellor resultado dos participantes galegos. Tamén participaron Elena Varela e Alejandro Losada Rodríguez (Neka) en parella 1 e Gabriel Tembrás (Moodukwan) en júnior, pero non acadaron o pase á final.
Eirim Vaamonde fixo unha magnífica competición e iso que todo se lle puxo en contra antes de comezar o seu exercizo. Na semifinal, cando xa estaba sobre o tapiz, equivocaron a música e en vez de poñerse a que correspondía á proba individual, tiñan a de parella. Así que Eirim tivo que saír correndo a buscar a música nun pen e entregarlla á organización e despois de todo iso, competir. Pero en vez de descentrarse, a viguesa creceuse e fixo unha das súas mellores actuacións, arrancando grandes ovacións do experto público. Así, logrou entrar na final na quinta posición, moi preto das medallas.
Pero na final, a serie non foi tan exquisita como a primeira. Cometeu un par de erros e ante rivais desta calidade non se pode fallar, polo que baixou á sétima posición. Moi bo traballo.
Na modalidade de técnica, hoxe tamén participaron Alejandro Losada e Elena Varela (Neka) en parella 1. Quedaron no posto 12º do seu grupo de 15, polo que non puideron meterse na final. Ambos son moi novos (19 anos) e este era o seu primeiro Mundial, polo que hai que valorar que mantiveron a calma e competiron a un bo nivel. Era unha categoría moi complicada, na que venceu Korea e con Tailandia na segunda posición.
Por último, sinalar que Gabriel Tembrás (Moodukwan) participou en júnior individual na modalidade de técnica, pero non puido clasificarse para a final por moi pouco. Quedou décimo na súa serie e pasaban 8 á final, pero gran traballo do galego.
Este Mundial, con récord de participación, é sen dúbida unha cita moi dura. Celébrase en China-Taipei, polo que hai unha enorme afluencia de competidores asiáticos, os grandes dominadores destas modalidades. Proba diso é o feito de que Korea gañou as catro categorías de técnica nas que participou e en freestyle quedou segundo.
Mañá celebrarase a segunda xornada do campionato e teremos en acción a varios galegos: Os cadetes Alejandro Fernández (Escola Lucense) e Tomás Fernández (Kiap), en trío cadete; Noelia Pérez, Vanesa Ortega e Sonia Pérez (Hebe), en trío 2; Nerea Alamancos (Tao), en sénior 2 individual e Manuel Paz (Hebe), en freestyle -17 individual.
CTO. ESPAÑA DE EXHIBICIÓN POR CLUBS -PONTEVEDRA- 04/11/2018
23 taekwondistas galegos, no Mundial de Técnica e Freestyle de China Taipei
Galicia contará cunha nutrida e destacada participación no Mundial de Técnica e Freestyle que se desenvolverá en China-Taipei do 15 ao 18 de novembro. A expedición galega xa está en Taiwán, despois de máis de 24 horas de viaxe.
Esta cita mundialista será moi complicada, ao celebrarse en China-Tapiei, o que permitirá unha maior afluencia de deportistas orientais, que son os grandes especialistas nesta modalidade. Ademais, será un Mundial de récords: 1.274 deportistas, 248 técnicos e 59 países rexistrados. Pero nada pode coa ilusión dos nosos taekwondistas viaxan coa intención de facer un gran papel, despois de moitos meses de preparación. A última cita tivérona hai un par de semanas no Open de Madrid, onde amosaron un bo nivel.
O Tao de Vigo é o club galego con máis representación con oito deportistas. Samuel Meilán e Nerea Alamancos competirán en sénior 2 individual (cada un de eles) e xuntos en parella 2. Ambos xa conseguiron grandísimos resultados internacionais (medallas tanto en Europeo como Mundial). Ademais, o Tao leva a Celia García, que participará en freestyle -17 individual e o quinteto formado por Samuel Alves, Alejandro Losada, Manuel Rodríguez, Alicia Pérez e Laura Vázquez.
O Hebe de Moaña tamén despraza a un gran número de taekwondistas, sete en total. Contaremos co trío 2 feminino formado por Noelia Pérez, Vanesa Ortega e Sonia Pérez, e o trío júnior con Manuel Paz, Gabriele Santomé e Álvaro Portela. Ademais Manuel Paz tamén participará en freestyle individual e en parella freestyle -17 xunto a Bárbara Di-Martino.
O Neka e o Yidam CEIP-Balaídos contan con dous representantes cada un. Elena Varela e Alejandro Losada Rodríguez (Neka) están clasificados para parella 1, mentres que os deportistas do Yidam competirán en freestyle. Eirim Vaamonde (Yidam) participará en freestyle individual +18 e tamén en parella +18 xunto a Aitor Priego.
Gabriel Tembrás (Moodukwan) competirá en técnica en júnior individual e en parella, mentres que Marcos Silva (do Mace Sport) farao en freestyle individual +18.
Os máis pequenos da convocatoria galega son os cadetes Alejandro Fernández (Escola Lucense) e Tomás Fernández (Kiap). Alejandro terá dobre actuación, en individual en trío cadete, onde tamén compite Tomás Fernández.