Galicia estará representada con nove deportistas na 42 edición do Open de Holanda, que terá lugar os días 13 e 15 de marzo en Eindhoven (G-2). Este torneo ten un importante prestixio e unha espectacular participación, polo que servirá para medir as prestacións dos nosos deportistas e sumar puntos no ránking internacional.
Desta forma, en Eindhoven estarán Katya Calvar e Lúa Piñeiro (medalla en Suíza o domingo pasado), ambas en -67 quilogramos na categoría absoluta, mentres que tamén participarán en júnior Laura Dosil, Miryam García e Sara Cortegoso. Na categoría masculina, competirá José Fernández Rey, que a fin de semana pasado fixo un gran traballo en Suíza, Borja Ríos (-58) e Javier González (-63), na categoría júnior. No Open de Holanda participarán un total de 1.700 deportistas das categorías cadete, júnior e sénior e con presenza de taekwondistas das maiores potencias (Gran Bretaña, Turquía, Irán, Francia...).
*A continuación, a selección galega que disputará o Open de Holanda.
SELECCIÓN GALEGA – OPEN DE HOLANDA |
||
CORTEGOSO LIMA, SARA |
MACE SPORT |
-46 |
CALVAR MARTINEZ, KATIA |
MAT'S |
-67 |
PIÑEIRO DEVESA, LUA MARIA |
NATURAL SPORT RIBEIRA |
-67 |
DOSIL GAGO, LAURA |
NATURAL SPORT RIBEIRA |
-59 |
GARCIA VIDAL, MIRYAM |
PATIÑO-MOAÑA |
-63 |
GONZALEZ GARCIA, JAVIER |
MACE SPORT |
-63 |
SILVA PAZOS, XIAN |
MACE SPORT |
-74 |
FERNANDEZ REY, JOSE |
NATURAL SPORT RIBEIRA |
-74 |
RÍOS CORTEGOSO, BORJA |
HEBE |
-58 |